Blogger par muft website kaise banayein? 2026 STEP BY STEP GUIDE

 Agar aap baghair kisi investment ke ek professional website banana chahte hain to Google Blogger ek behtareen platform hai. Yeh Google ki free service hai jo secure hosting, SSL certificate, aur Google services ke sath easy integration deti hai.

1. Sign In aur Blog Setup

 Sab se pehle apne Google account se Blogger mein sign in karein aur 'Create New Blog' select karein. Iske baad ek meaningful title choose karein jaise "Tech with Ijaz".

2. Theme aur Basic SEO Settings

• Ek responsive theme lagayein jo mobile aur desktop dono pe achi lage.

• Basic SEO settings theek kar lein, yani:

  • Blog description

  • HTTPS enable karein

  • Search description

  • Short permalink settings

3. Google Search Console aur Indexing

 Google Search Console mein apni site add karke indexing start karein taake aapke articles Google search mein aana shuru ho jayein.

AdSense apply karne se pehle 20-30 original articles aur zaroori pages zaroor tayyar hone chahiyea 

AdSense apply karne se pehle sirf 20–30 articles aur zaroori pages hi kaafi nahi hote, balki kuch aur Aham Requirement (Sharait) poori hona zaroori hain taake aapka blog pehli baar mein hi approve ho jaye.

AdSense Approval Ke Liye Zaroori Sharait (Checklist)

• 100% Original Content: Articles kahin se copy-paste na hon, aur na hi kisi AI tool se likhwa kar bina edit kiye daale gaye hon.

• Low Value Content Se Bachein: Har article kam az kam 800–1200 lafzon (words) ka hona chahiye taake topic par poori detail mile.

• Important Pages: Yeh 4-5 pages har haal mein banayein aur menu mein add karein:

  • About Us

  • Contact Us

  • Privacy Policy

  • Disclaimer

  • Terms and Conditions

• Blog Design & Navigation: Clean aur simple responsive theme lagayein. Navigation menu (Categories/Labels) clear hon taake reader ko kisi bhi page par jaane mein dikkat na ho.

• Broken Links Na Hon: Aapke blog par koi aisa link na ho jo kaam na kar raha ho ya 404 Page Not Found error de raha ho.

• Google Indexing: Aapke kam se kam 15-20 articles Google Search Console mein index ho chuke hon aur site par thoda bohot organic traffic aana shuru ho chuka ho.

• Domain Age & Custom Domain: Agar .blogspot.com free domain hai to us par kam az kam 1-2 mahine purani site aur acha content hona chahiye. Custom domain (.com, .net) lagayein to approval jaldi aur aasan ho jata hai.

• Copyright Material Na Ho: Blog par copyright images, cracked software, piracy, ya kisi ki personal details share na hon. Free images ke liye Unsplash ya Pixabay use karein.